我其實對寫blog沒有太大興趣，不過老婆好似好鍾意睇我寫作， 所以我就襯佢做手術前再寫一篇為佢打氣。
老婆，經過左咁多關，我o地終於行到黎決勝時刻。我地已經選擇左最佳o既決戰場地，亦選擇最好o既將軍同士兵， 哩一場仗我地已經佔盡天時，地利同人和，只要再加埋妳堅強o既意志，根本冇得輸。
不過打仗當然會有損傷，少少傷痕實在難免，但係妳千其唔好覺得難睇，我覺得妳反而要以此為驕傲。因為哩條絕對係勝利o既疤痕，證明妳曾經做過一件好了不起o既野，係一件其他人未必有勇氣做到o既野。
如果將來有人問 28 歲o個年做過 d 咩，大部份人只會回答：打機，唱 K，扮靚，又或者答：唔記得 lu，都係咁啦。而妳就可以好自信咁講自己當年好叻，捱過左一般人未必承受到o既痛楚同經歷。
天降大任于斯人也，必先苦其心志，勞其筋骨，餓其體膚，空乏其身，行指亂其所爲，所以動心忍性，曾益其所不能。
我相信妳將來一定會係一個非常了不起o既人！而家......保持自信就得架喇。
我聽到四方八面有好多人正在為妳聲援呀 ......
沒有留言:
張貼留言