老婆終於可以重返工作，我亦係時候計劃自己。老婆事件令我睇所有嘢從多左唔同角度去睇，睇得更宏觀 ，更"化"，甚至"化"到接近"出家人"。
喺老婆仍在醫院康復期間，有一日我反思自己過去、現在及將來。
我問自己而家為何努力工作？就算我好努力，表現好特出，我最多會喺十年內喺公 司做個董事。跟住生活又會點呢？不過點都好，我都覺得自己好渺小。我好想做d更有意義更遠大既事。
之後有日我將我嘅諗法同師傅講。師傅冇直接回答我，不過就簡單咁講左 d 係人都知嘅嘢。但係已經啟發左我。
師傅話 : 首先你必須要有份維持到生活嘅工作 , 跟住先再加一份同你興趣有關既工作，收入多少並唔重要。
簡簡單單嘅兩句，其實包含左好多意思。
細心想想有其實身邊亦有朋友突然放棄十幾，甚至二十幾年嘅事業而轉為從事另一 種完全冇關係嘅工作。我諗都係因為佢哋嘅第二事業已經可以取代第一事業。
我不能再浪費時間喇！我必須繼續努力現在嘅工作，繼續為基本生活而努力。
至於我嘅興趣 ……武術，我二十多年嘅興趣 , 我諗係時侯為我哩份興趣昇華到另一層次。
雖然自己由中三嗰年已開始幫手做助教，但係都係被動式嘅幫忙。而家我已經成長喇！我要用我嘅知識，經驗同技術主動而績極地為發揚門派而努力。
* 為的是報恩 - 報答恩師對自己由細到大嘅栽培同幫助。
* 為的是老婆 - 要有多個收入來源以備將來。
* 為的是發揚中國傳統文化及北少林武術 - 希望令到更多香港人認識北少林武術。
上星期師傅決定將武館事業交比我哋哩下一代發展，而我亦下定決心去做好哩件
事。
唔知5年後，我會做到d咩呢？等著睢吧！
