老婆，
今日係情人節，所以專登買張花花卡比妳應下節，紙花就算放喺醫院都唔怕啦。
今日係手術後第三日，傷口仲痛呢，不過同第一第二日相比，今日嘅痛楚簡直小兒科。抱住哩個理念，之後所有痛楚都難妳唔到。
老婆，唔洗擔心我！我堅強情度同妳一樣咁堅。過去兩個月我精神上受嘅所以嘢都唔須要再提，況且我都唔記得晒。而家換來未來無限咁多個快樂嘅兩個月，過去的苦都變得微不足道。
妳將全部精神都放喺康復得架喇，其他嘢就照舊比晒我諗啦，我會為妳安排。
＂唔好心急，不過要快＂（哈哈，好難哩）
妳真係好叻，咁硬嘅仗都嬴得咁漂亮。（係咪呀，都話有我哩個軍師，妳冇得輸架啦）。手術成功嘅一刻，我對住個天同亮仔講：乖仔，您成功求左媽咪喇，多謝晒您。
（唔好喊呀！）
祝妳身體永遠健康 .
愛妳的老公
2／14／2010，虎年大年初一暨情人節
沒有留言:
張貼留言